Алматы көшелеріндегі кептеліс – бүгінгі күндегі оңтүстік астананың тұрғындары үшін ең басты проблемлардың бірі. Соңғы деректерге сүйенсек, қазір Алматыда 1 млн 300 мың адам тұрады. Қала көшелерінде күн сайын 500 мыңдай автокөлік шықса , олардың саны жыл сайын 20 % -ға көбейіп келеді. Мамандардың есептеуінше 2007 жылы Оңтүстік астанамызда 1 күн ішінде 750 кептеліс болыпты , ал бір айда алматылық жүргізушілердің 3 сағат уақыты кептелісте өтеді. Кептеліс көбінесе жұмыс күндерінің түскі сағат 13:00 де , кешкі сағат алтыдан сегізге дейін болады. Ал кептеліс жиі болатын жерлер: Абай, Абылай хан, Достық, Райымбек даңғылдары мен Фурманов, Төле би көшелері.
Жұмыстан соң үйіне қайтатын халық автобуста болсын, өз автокөлігінде болсын, баратын жеріне кешігіп жетеді.
Алматыда әрбір мың адамға шаққанда 170-180 автокөліктен тиеді. Салыстыра кетсек, АҚШ та бұл көрсеткіш 800ді , ал Еуропада 450-500 ді құрайды. Мамандардың болжауынша 2015 жылы Алматы автокөлік паркі екі есеге көбеюі мүмкін.
Aiman777's Weblog 